Wynand van Vollenstee

Fliekgangers sal Wynand van Vollenstee onthou as Kallie in die rolprent Karate Kallie, Bennie in Platteland en die braaivleisman in Superhelde. Televisisiekykers sal hom herken as Erfsondes se Jean-Pierre, Villa Rosa se Sakkie, Gielie in Ouboet en Wors en ook vir sy rol in Getroud met Rugby.  Op die verhoog was hy te sien as Barta in die produksie Fiela se Ander Kind en as Kleinboet in Ons vir Jou. Hy verskyn in twee van Lefgra se klugte, naamlik My Vrou se Man se Vrou en later in My Man se Skelmpie se Skelmpie se Vrou.  Dié veelsydige akteur het sy Nasionale Drama Diploma in 2007 aan die Tshwane Universiteit van Tegnologie verwerf, waar hy ook aangewys is as Beste Akteur van die Jaar.